"Entre bechos anda o conto" é unha sesión de narración oral na que o noso protagonista, Tone Martínez, nos mergullará nos diferentos bichos e bechos que hai na nosa natureza e como estes son fundamentais para conservar o noso medio ambiente.

O respecto polo medio ambiente, o coidado polos animais, a amizade ou os prexuizos son temas que están presentes en "Entre bechos anda o conto". Un espectáculo no que se combina a narración oral co teatro de monicreques.